قصيدة بجميع القبائل .....

بسم الله الرحمن الرحيم

ياخالـق اراضيـن وابـحـار

الواحـد المعبـود رازق عبـيـده

الخالـق الغفـار عـلام الاسـرار

وفرق شعوب الارض في كل يـده

وابدي واسولف من عذيبات الاشعار

ابيـات شعـر والمعانـي وكيـده

اشري وابيع واعرف كيـف بختـار

واختار من جزل البيـوت الفريـده

واذكر تراث وعز وامجـاد وافخـار

قبائـل تومـن بديـن و عقـيـده

وصلت حضارتنا على سطح الاقمار

ابنـا الجزيـرة والجزيـره مجيـده

في ظل حكام لهـم فعـل واشـوار

آل السعود اللي تفـك الضهيـده

نسل الزعيم الحاكم العـادل البـار

مجـدد امجـاد الجزيـره بجـيـده

حتى اصبحت حره وحنا له انصـار

في ظل اخو نوره هنـوف سعيـده

وصارت لابو تركي بطوله وتذكـار

والفخر والامجـاد تبقـى شهيـده

وخلف لنا املوك لهم فعل واخبـار

الشعب واحـد والقيـاده رشيـده

والامن بانينه على سـاس وجـداريالله

وقرو على العابث عقوبـه شديـده

وحنا حماة الدار مـن كـل غـدار

وما همنا بطشـه وخبثـه وكيـده

قبـائـل مالحقنـاهـم اوعــار

وعشنا بهذي الدار عيشـه رغيـده

والحمد لله نحمـده سـر واجهـار

شعب تكاتف مـن سنيـن مديـده

ودون الوطن جيش على كل معبـار

لارفرف البيـرق ونـادى عقيـده

بشرق البلاد وغربهـا دوم حضـار

وارض الشمال اللي نفوده مديـده

وارض الجنوب اللي تخيضر بالاشجار

جزيـرة فيهـا القبايـل عـديـده

ارض بها قحطان وافيـن الاشبـار

وياعـز منهـم بالشدايـد بسيـده

واذكر عتيبه يوم للطيـب مغـوار

لا ثارت الهيجـا وقـرب ضديـده

وشمر هل الطولات والجود مقـدار

اهل الكرم واهل الفعـول الحميـده

وقوم اعنزه مروين الاخصام الامرار

اولاد وايل مـن عصـور عهيـده

ومطير قوم تكرم الضيـف لا زرار

وياويل خصم في حراهـم وعيـده

واذكر قبيلة حرب يانعـم الاخيـار

وتاريخهم يحكـي سطـور مجيـده

وسبيع نعم القوم ووجيه الاسفـار

زبن الدخيل ليـا مـن طريـده

واذكر قبيلة يـام والطيـب ينـدار

اهل العلـوم الوافيـه والرشيـده

ثم الدواسر تجعـل الخصـم منهـار

عيال زايـد عـز منهـم سنيـده

ثم السهول اللي لها الطيب مـدرار

وعن منهج العادات ماهـي محيـده

ثم اذكـر العجمـان حمايـة الجـار

والمرجلـه والجـاه فيهـم عتيـده

واذكر بني مره طويليـن الاعمـار

ما ينقـد المـري ولا لـه نقيـده

ثم الهواجـر لابـة تقـدح النـار

اهل الركاب اللي خطاهـا بعيـده

واذكر بنـي خالـد قبيلـة وامـار

قوم لهم في المجـد قـول ورصيـده

وبني تميم اللي لها الطيـب مصـدار

بنـي تميـم وكـل فعـل تجيـده

ثم الزعوب اللي بها الخصـم يحتـار

شجعان ماترضـى سـوا ماتريـده

العازمي وافي وفي الطيـب بيطـار

روحه على كل المصاعب صميـده

ثم الظفيري فـي المصاعيـب جبـار

والطيب والامداح باصلـه وطيـده

ثم اذكر الاشراف بجـلال واكبـار

اهل الحجاز اللـي تفـك الزهيـده

ثم الهذيلـي لـه مواقـف ومنـدار

راعي الفخر راعي العلوم السديـده

ثم البقوم اللي لهم جيـش وامهـار

ريف الضيوف ليـا لفاهـم وليـده

واذكر ثقيف اللي لهم مجـد وآثـار

ومهما حسبنا مـن كـلام نعيـده

وبلحارث اهل العز بشهود واقـرار

ا لحارثي ياطيـب فعلـه وجيـده

والمالكي معروف لا صار ما صـار

في موقف اهل الطيب يبذل جهيـده

واثني تحياتي عـدد وبـل الامطـار

على سليم وكـل خصـم تكيـده

واذكر جهينه هل مواقيـف وادوار

تلقى الجهيني راسم الطيـب بيـده

واذكر بلي والمجدله فعـل واظهـار

وتاريخهـم يحكـي فعـول فريـده

وبني عطيه في المواجيـب حضـار

قوم بوقـت الجـد قـوم عنيـده

ثم الحويطي والكرامـه لـه اشعـار

ثم الشـراري لـه فعـول مفيـده

ثم الرشيدي في الصعيبـات صبـار

على علوم الطيـب فعلـه يزيـده

وباقي جنوب الدار والقاف مـادار

باقي على قلبـي كـلام واشيـده

زهران نعم القوم في وقت الاضـرار

والخصم عينه مـن لقاهـا سهيـده

والغامدي معروف له عزم واصـرار

راعي المراجـل والعلـوم المفيـده

وشمران قوم والجمايل لهـا اطـوار

وبلقرن سـم للقلـوب النكيـده

والا....ي والمحلفـي مابعـد بـار

والحارثـي طيبـه وفعلـه يشيـده

وبني شهر وبني عمر سيـف بتـار

قوم على الاخصـام نـار وقيـده

والاسمري والاحمري صيتهـم سـار

بيـن القبايـل والمواقـف شهيـده

واذكر عسير الهول ذربين الاذكـار

وابها احتموها فالسنيـن الشديـده

وادهم والصيعر على حد الاقطـار

يحمون حد الدار من اللـي يريـده

وامشي مع الساحل مع جمله افكـار

رسمتهـا والطيـر زان اتغـريـده

وانزل على جيزان تاريـخ واديـار

ورجـال فيفـا والقبايـل عديـده

وارجوا العذر واهل المواجيب عذار

الي نسيته مانذكـر فـي القصيـده

الواهبـي عـدد ابيوتـه بـالادوار